200කට වැඩි පිරිසකට වසර 2,200ක සිර දඬුවම්

ඉතාලියේ විශාලතම මාෆියා නඩු විභාගවලින් එකක විත්තිකරුවන් 200 කට වැඩි පිරිසකට වසර 2,200 කට වැඩි සිර දඬුවම් නියම කර තිබෙනවා

වසර තුනක කාලයක් පැවති නඩු විභාගයේදී ‘Ndrangheta’ට සම්බන්ධ යැයි කියන පුද්ගලයින්ට කප්පම් ගැනීමේ සිට මත්ද්‍රව්‍ය ජාවාරම් දක්වා වූ අපරාධ සඳහායි දඬුවම් නියම වී තිබෙන්නේ

‘Ndrangheta’ යනු යුරෝපයේ වඩාත්ම බලගතු අපරාධ සංවිධානවලින් එකක් .

තීන්දුව තවමත් අභියාචනා කිරීමටද හැකියාව පවතිනවා

දඬුවම් නියම වූවන් අතර වඩාත් කැපී පෙනෙන පුද්ගලයන් ලෙස හිටපු අගමැති Silvio Berlusconi’ගේ පක්ෂය වන Forza Italia හි නීතිඥයෙකු සහ හිටපු සෙනෙට් සභිකයෙකු වන Giancarlo Pittelli ද වනවා

මාෆියා ආකාරයේ සංවිධානයක් සමග සම්බන්ධ වීම හේතුවෙන් Pittelli ට වසර 11 ක සිරදඬුවමක් හිමිව තිබෙනවා

විත්තිකරුවන් 100 කට වැඩි පිරිසක් නිදොස් කොට නිදහස් කර තිබීමද විශේෂත්වයක්

මෙම නඩුවේ මුලසුන හොබවන විනිසුරුවරුන් ඔවුන්ගේ ආරක්ෂාවට ඇති බිය නිසා පොලිස් ආරක්ෂාව යටතේ තබා ඇති බවයි විදෙස් මාධ්‍ය පවසන්නේ .

නඩු විභාගය පැවැත්වුණේ Lamezia Terme නගරයට මායිම්ව පිහිටි ඇමතුම් මධ්‍යස්ථානයකයි.

විත්තිකරුවන් රඳවා තබා ගැනීමට සහ නීතීඥයින් 600ක් සහ සාක්ෂිකරුවන් 900ක් පමණ රඳවා තැබීමට තරම් විශාල කූඩුවලින් සමන්විත අධි ආරක්ෂිත අධිකරණ ශාලාවක් බවට එය පරිවර්තනය කර ඇති බවයි සඳහන් වන්නේ .

මිනීමැරුම්, කප්පම් ගැනීම්, මත්ද්‍රව්‍ය ජාවාරම්, ණය ගැනීම්, කාර්යාල අපයෝජනය සහ මුදල් විශුද්ධිකරණය යන චෝදනාවලට ඔවුන් ඇතුළත්ව තිබෙනවා